O candidato PP en Ourense non descarta pactos con PSOE e BNG
Asegurou estar "plenamente convencido da maioría absoluta" para "transformar a cidade"
Por Europa Press / Redacción | Ourense | 01/03/2023 | Actualizada ás 20:46
O candidato á Alcaldía de Ourense polo PP, Manuel Cabezas, compareceu ante os medios de comunicación sen adiantar nada do seu programa electoral, pero aseverando estar "plenamente convencido da maioría absoluta" para "transformar a cidade", aínda que sen descartar pactar co PSOE e o BNG.
Cabezas foi alcalde de Ourense, con 41 anos, de 1995 a 2007, 12 anos de mandato ao que se rememorou durante a súa comparecencia para enxalzar "a transformación" que viviu a cidade naqueles anos, a mesma que quere agora porque "Ourense necesita unha segunda transformación".
Con todo iso, dixo que a actualidade "vive unha situación de apatía, de non as expectativas de futuro" e que tras reunirse con "máis de sesenta asociacións e colectivos" trasládanlle que "non se lles escoita". A pesar diso non falou de programa electoral e pouco adiantou de proxectos, sinalando que a propia cidade "indica claramente por onde hai que incidir".
PACTOS
"Os elementos sobre os que hai que traballar non teñen ideoloxías", aseverou. E nesta mesma liña non descartou pactar co resto de grupos "se queren traballar na dirección correcta".
Aínda que preguntado se inclúe ao liderado por Gonzalo Pérez Jácome, Democracia Ourensá, aclarou que se refería "ao Partido Socialista e ao Bloque Nacionalista Galego".
"A nosa previsión é que non serán necesarios pactos, pero todo o mundo podería achegar cousas", dixo asegurando que ten "os brazos abertos para xestionar", aínda que sobre pactar co PSOE indicou que "probablemente sexa un problema máis de partido que de persoas", pero que no hipotético caso "non tería problemas en chegar a acordos".
