O TC estudará se é constitucional a norma que impide custodia compartida cando se investigan malos tratos
O Supremo argumenta que a norma é "tallante" e non permite "valorar" caso por caso.
Por E.P. | Madrid | 07/03/2023 | Actualizada ás 20:35
O Tribunal Constitucional (TC) estudará a legalidade da norma que, segundo expuxo o Tribunal Supremo (TS), prohibe de forma "tallante" que se aplique a custodia compartida nos casos nos que un dos proxenitores estea investigado por presuntos malos tratos.
Segundo informou a corte de garantías, o Pleno admitiu a trámite a cuestión de inconstitucionalidade que presentaron os maxistrados da Sala do Civil do Supremo, quen alegaron que a norma impugnada non permite aos xuíces "valorar a gravidade" do caso concreto para determinar que é máis beneficioso para o menor.
É a segunda vez que un tribunal pregunta ao Constitucional por este apartado concreto do Código Civil, aínda que no caso anterior non entrou no fondo do asunto ao inadmitir a cuestión de inconstitucionalidade por un problema de forma.
