O I Foro Celta atrasase por "dificultades no transporte" dos dirixentes de Galicia, Escocia, Irlanda e País de Gales
Esta xuntanza de máximo nivel entre estes gobernos tiña como fin reforzar os vínculos existentes entre os países celtas.
Por Galicia Confidencial | Compostela | 08/03/2023 | Actualizada ás 11:01
O I Foro Celta previsto para o 9 e 10 de marzo foi posposto a outra datas deste 2023 debido ás "dificultades de transportes" das autoridades previstas de Irlanda, País de Gales, Escocia e Galicia.
Segundo pudio saber Galicia Confidencial, O consello rexional de Bretaña, a nación celta que organizaba este evento, remitiu un comunicado aos medios nos que indicaba que por mor destas "dificultades", o foro é postposto a outra data dese 2023.
Tal e como informou GC, Galicia estará presente neste primeiro gran encontro dos gobernos dos países celtas que ten coma obxectivo reforzar os vínculos existentes, promover a presenza das nacións celtas na comunidade internacional e facilitar os desprazamentos dos estudantes nos diferentes territorios celtas.
Eamon Ryan, ministro da República de Irlanda, Màiri McAllan, ministra de Escocia, Lee Waters, ministro do País de Gales e Diego Calvo, vicepresidente da Xunta, ademais do presidente bretón, eran, inicialmente, os encargados de manter esta xuntanza de máximo nivel para impulsar as relacións destas nacións celtas da fachada atlántica.
