O sindicato CESM esixe ao Sergas a traxectoria profesional no 061
O sindicato denuncia que os profesionais do 061, xunto cos PAC, son "os únicos" que traballan a quendas pero non cobran o completo de turnicidade.
Por E.P. | SANTIAGO DE COMPOSTELA | 16/03/2023 | Actualizada ás 20:02
A delegación galega da Confederación Estatal de Sindicatos Médicos (CESM), organización que promove a folga indefinida de facultativos a partir do 11 de abril, esixe ao Servizo Galego de Saúde (Sergas) que "cumpra cos compromisos adquiridos" en 2007 e aplique a traxectoria profesional nos traballadores de Urxencias Sanitarias de Galicia-061.
A través dun comunicado, CESM lembra que xa pasaron 15 anos desde entón e a Xunta debe "establecer as normas pertinentes" para que os máis de 120 médicos asistenciais e coordinadores deste servizo poidan pedir traslado a un punto de atención continuada (PAC), a un centro de saúde ou ás Urxencias Hospitalarias.
Ademais, o sindicato --que non está representado na Mesa Sectorial do Sergas-- denuncia que os profesionais do 061, xunto cos PAC, son "os únicos" que traballan a quendas pero non cobran o completo de turnicidade.
Así, o CESM Galicia esixe á Xunta que empezo a pagar este complemento "xa con carácter retroactivo desde o 1 de xaneiro de 2023", entre outras reivindicacións que mantén a organización de face a esa convocatoria de folga a partir do 11 de abril.
