Piden cinco anos de prisión para un home de 50 anos que tocou o cu a dúas mozas, unha delas menor, en Santiago
Os feitos remóntanse a xuño de 2021
Por Europa Press / Redacción | Santiago de Compostela | 26/03/2023 | Actualizada ás 11:49
A sección sexta da Audiencia Provincial da Coruña, con sede en Santiago, xulgará o vindeiro venres a un home de case 50 anos acusado de tocarlle o cu a dúas mozas coas que se cruzou pola rúa, unha delas menor de idade.
En concreto, Fiscalía pide para o acusado un total de cinco anos de cárcere, dous anos pola primeira das agresións sexuais e tres pola segunda. Os feitos remóntanse ao mes de xuño de 2021, cando o procesado, que contaba con 49 anos tocou o cu "con ánimo de satisfacer os seus desexos libidinosos" a unha moza coa que se cruzou na Praza Roxa de Santiago.
Posteriormente, a unha hora indeterminada, repetiu a conduta con outra moza, esta vez de 13 anos. Cando a vítima lle recriminou a súa conduta, prosegue o escrito, o acusado "seguiuna un tramo duns 15 metros", ata que interveu un amigo da nova.
