Un disco saca á luz cinco poemas inéditos de Xosé Velo
O acto inclúe unha conferencia sobre a figura política de Velo a cargo de Uxío-Breogán Diéguez
Por Galicia Confidencial | Ourense | 28/03/2023 | Actualizada ás 12:20
O Comité de Memoria da Comarca de Celanova, en colaboración coa Fundación Moncho Reboiras, organiza un concerto de presentación do disco 'Adiante - A palabra de Xosé Velo' no que o músico Sindo Otero ofrece versións de cinco poemas inéditos de Xosé Velo.
No concerto, que será de balde este sábado no Auditorio Municipal de Celanova, Sindo Otero estará acompañado por Miguel Ábalo e dous músicos celanoveses, Camila Álvarez (voz) e Jorge González (piano). A edición do disco tamén inclúe un texto de Xosé Luis Méndez-Ferrín elaborado para a ocasión polo autor de Vilanova dos Infantes.
Ademais, o acto tamén inclúe unha conferencia sobre a figura política de Xosé Velo a cargo do doutor en Historia Contemporánea Uxío-Breogán Diéguez, que é director de 'Murguía, Revista Galega de Historia' desde a súa fundación no 2003.
