Galicia gaña 7.707 novos afiliados á Seguridade Social en marzo e 15.073 no último ano
A afiliación logra o seu mellor marzo da historia no total de España, con 206.410 novos ocupados.
Por E.P. | Santiago de Compostela | 04/04/2023 | Actualizada ás 10:42
A Seguridade Social gañou unha media de 7.707 novos cotizantes en marzo en Galicia, o que supón un 0,74% máis respecto ao mes anterior, segundo datos publicados este martes polo Ministerio de Inclusión, Seguridade Social e Migracións.
Así mesmo, nos últimos 12 meses o número de afiliados galegos subiu en 15.073 persoas, un 1,47% máis que en marzo de 2022, situándose o total de cotizantes galegos en máis de 1,043 millóns de traballadores. Por réximes, 818.412 afiliados galegos correspóndense ao réxime xeral, mentres que outros 205.491 son traballadores autónomos e 19.627 son do réxime do mar.
Ademais, o Ministerio informou de que os traballadores en expedientes de regulación temporal de emprego (ERTE) por causas económicas, técnicas, organizativas ou de produción (ETOP) situáronse ao finalizar marzo en Galicia en 721.
DATOS ESTATAIS
A nivel estatal, a Seguridade Social gañou unha media de 206.410 cotizantes en marzo respecto ao mes anterior (+1%), o seu maior alza neste mes en toda a seria histórica, grazas, sobre todo, á hostalaría, que sumou máis de 71.000 afiliados polas contratacións de Semana Santa, sempre segundo datos do Ministerio.
Ao finalizar marzo, o número total de cotizantes á Seguridade Social en valores medios situouse en 20.376.552 persoas, "a cifra máis alta na serie", segundo resaltou o Departamento que dirixe José Luís Escrivá.
