Por Europa Press / Redacción | SANTIAGO DE COMPOSTELA | 05/04/2023 | Actualizada ás 16:41
O presidente da Xunta, Alfonso Rueda, afirmou que Galicia vai "polo bo camiño" na evolución dos datos do paro, á vez que advertiu ao Goberno central de que "hai sinais de alarma".
Preguntado por como concilia ambas as visións, a que é positiva para as cifras galegas pero crítica coas estatais, Rueda sinalou que o feito de que valore como "boas" as de Galicia "non quere dicir" non estar "preocupado", posto que "as perspectivas e a situación non é boa".
"Creo que para triunfalismos non estamos", advertiu, antes de evidenciar que "celebrar os datos cando son bos e dicir que é moito mellor que sexan bos que ao contrario, iso é lóxico e enténdeo todo o mundo".
En calquera caso, rexeitou "dicir que están solucionados todos os problemas" posto que "hai nuboeiros no horizonte". Respecto diso, a mensaxe que atribúe ao Executivo central sobre o desemprego lémbralle a cando escoita "que os fondos Next Generation están a repartirse á velocidade do raio, e que están a xerar moito impacto positivo", algo que cre que "non é certo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.