As escolas infantís de Bergondo serán rehabilitadas cunha colaboración entre Deputación da Coruña e Concello

O presidente da Deputación da Coruña, Valentín González Formoso, e a alcaldesa de Bergondo, Alejandra Pérez, asinaron un convenio de colaboración para financiar as obras de rehabilitación das escolas infantís deste municipio.

As obras suporán un investimento de 103.000 euros, dos que a Deputación achega o 80% e o Concello de Bergondo o 20% restante. O convenio aprobado inclúe a mellora enerxética dos centros, segundo informa o organismo provincial.

Na actualidade o Concello de Bergondo conta con cinco escolas unitarias que dan servizo a un centenar de nenos e nenas con idades comprendidas entre o tres e o seis anos.

O presidente da Deputación da Coruña, Valentín González Formoso, e a alcaldesa de Bergondo, Alejandra Pérez, asinan un convenio de colaboración. DEPUTACIÓN DA CORUÑA. | Fonte: Europa Press