Morre atropelado un home de 60 anos na A-52 ao seu paso por Taboadela

Un home de 60 anos faleceu este domingo tras ser atropelado na A-52 ao seu paso polo municipio ourensán de Taboadela. Os servizos sanitarios non puideron facer nada por salvarlle a vida.

Segundo informou o 112, interviñeron a Garda Civil de Tráfico, o GES de Pereiro e o 061, que mobilizou un helicóptero medicalizado e unha ambulancia asistencial de SVB.

Varias testemuñas chamaron ao 112 para advertir que había un home tirado na beiravía e apuntaban a un atropelo como o desencadeante da situación. O sinistro produciuse no punto quilométrico 216, en sentido Ourense, tal e como indicaron os particulares que chamaron ao 112 para alertar.

Imaxe dun atropelo.. GARDA CIVIL