Temas: ENCOROS DATOS AUGA

Baixan as reservas dos encoros galegos na última semana

Sitúanse no 74,7%.

Por Europa Press / Redacción | SANTIAGO DE COMPOSTELA | 23/05/2023 | Actualizada ás 17:48

Comparte esta noticia

Os encoros galegos contan cun total de 2.776 hectómetros cúbicos almacenados, un 74,74% da súa capacidade, 0,3% menos respecto da última semana. Segundo os datos do Ministerio para a Transición Ecolóxica, os encoros da conca Miño-Sil baixan a 2.201 hectómetros cúbicos, o que se traduce nunha perda de 21 hectómetros cúbicos respecto de sete días antes. Sitúanse no 72,6% da súa capacidade. Supón unha reserva maior que hai un ano, pero inferior á última década.

Mentres, os de Galicia Costa continúan con 575 hectómetros cúbicos, no 84,1% da súa capacidade. Neste caso, apréciase unha cantidade maior na comparativa coa mesma data de 2022 e dous hectómetros menos que a media dos últimos 10 anos.

CONXUNTO DO ESTADO

No conxunto do Estado, as choivas rexistradas a última semana na vertente Mediterránea non lograron frear o descenso da reserva hidráulica, que perdeu esta semana 307 hectómetros cúbicos, ata situarse en 26.726 hectómetros cúbicos, o que reduce o volume de auga embalsada ao 47,7 por cento da súa capacidade.

Vista aérea do encoro de Prada desde a zona Candeda
Vista aérea do encoro de Prada desde a zona Candeda | Fonte: Agostime - Europa Press

Temas: ENCOROS DATOS AUGA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta