Por E.P. | SANTIAGO DE COMPOSTELA | 29/05/2023 | Actualizada ás 13:08
O Clúster Alimentario de Galicia (Clusaga) asinou o pasado venres un convenio de colaboración co Clúster Turismo de Galicia para a promoción turística e a posta en valor do patrimonio gastronómico da Comunidade autónoma.
O director de Clusaga, Roberto Alonso, e o presidente do Clúster Turismo de Galicia, Cesáreo Pardal, rubricaron a firma deste convenio que promoverá proxectos de interese común e que "aumentará a competitividade e o fortalecemento das relacións entre os sectores que representan".
Segundo un comunicado de Clusaga, este convenio de colaboración implicará un compromiso de execución para os próximos anos. Desta maneira, buscarán a implicación das Administraciónes públicas nas futuras medidas que contribúan aos sectores que representan.
PRÓXIMAS ACTIVIDADES
Por outra banda, o Clúster Turismo de Galicia participará nun grupo de traballo, promovido por Clusaga, que contará cun foro de debate que ten como finalidade xerar un espazo de intercambio de ideas no ámbito do turismo gastronómico.
En concreto, o obxectivo deste grupo será que as empresas da industria alimentaria e de bebidas determinen cales son as iniciativas de maior impacto e viabilidade para pór en valor os produtos galegos. En consecuencia, a intención é aumentar o posicionamento da marca Galicia ao redor da súa gastronomía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.