Rexeitados todos os recursos contra a cobertura electoral da CRTVG

A TVG alcanza a maior cota de pantalla de España o domingo, tanto no conxunto da xornada como no 'prime time'

Por E.P. | Santiago de Compostela | 29/05/2023 | Actualizada ás 17:16

Comparte esta noticia

A CRTVG asegura que foron rexeitados todos os recursos que se presentaron contra a súa cobertura da campaña das pasadas eleccións municipais. Destaca así que a "correcta estimación" do plan e da cobertura quedou "definitivamente referendada" polos organismos competentes.

Segundo informa, a xunta electoral provincial deu traslado na tarde do xoves do seu acordo sobre o último recurso que quedaba por resolver ante a cobertura electoral para as eleccións do pasado domingo. Este acordo "non foi recorrido pola formación política propoñente ante a xunta electoral central, por tanto, a resolución xa é firme", sinala. En concreto, indica que se correspondía cun debate de candidatos en Santiago.

AUDIENCIA

Por outra banda, noutro comunicado, destaca que a TVG alcanzou a maior cota de pantalla de España na xornada electoral do domingo, tanto no conxunto da xornada como no 'prime time'.

Cun 17,2 % de media do día foi, resalta, líder tamén entre as canles autonómicas, seguida pola ETB2, e ao longo da xornada 1.004.000 galegos formaron parte da audiencia da TVG.

Estudio da Corporación de Radio Televisión de Galicia (CRTVG) preparado para un debate
Estudio da Corporación de Radio Televisión de Galicia (CRTVG) preparado para un debate | Fonte: CRTVG - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta