Dous coches calcinados e outros tres con danos nun incendio en Combarro
O vehículo onde se iniciou o lume ía circulando e ao aparcalo este extendeuse aos demais que había no lugar.
Por E.P. | Santiago de Compostela | 14/06/2023 | Actualizada ás 12:00
Dous coches resultaron totalmente calcinados e outro tres acabaron con danos debido a un incendio nunha zona de aparcadoiro na parroquia de Combarro, no municipio de Poio, segundo informou o CIAE 112-Galicia.
Os feitos ocorreron na madrugada deste mércores, cando un particular contactou con Emerxencias para informar de que un coche estaba a arder pola parte do motor nunha zona de aparcadoiro. O vehículo circulaba pola estrada cando empezou a fumear, polo que o condutor apartouno da vía cara a unha zona onde había outros coches aparcados polo que as chamas estendéronse aos que había preto.
O 112 alertou a Bombeiros de Ribadumia, ao GES de Sanxenxo, a Garda Civil de Tráfico e a Protección Civil de Poio. Os servizos de extinción lograron apagar as chamas e non se rexistraron feridos.
