Por E.P. | Santiago de Compostela | 29/06/2023 | Actualizada ás 17:55
A Dirección Xeral de Tráfico (DGT) prevé 95 millóns de desprazamentos de longo percorrido por estrada para este verán en España, un 1,75% máis que os movementos reais que se rexistraron o verán pasado e que, xa entón, superaron aos contabilizados no verán de 2019. Dos cales, 14,25 millóns serán por vías galegas e doutras zonas do noroeste peninsular, un 15% do total.
Por meses, espera 45,6 millóns de desprazamentos en xullo e 49,3 millóns en agosto. Por iso, como todos os anos, a institución preparou un dispositivo especial para velar pola seguridade dos usuarios que transiten pola rede viaria. Só este fin de semana, cando levará a cabo a primeira Operación saída do verán, espéranse 4,5 millóns de desprazamentos, dos cales 720.000 serán en estradas do noroeste peninsular.
A DGT prevé que a saída e o regreso das vacacións realizarase de maneira graduada e en períodos máis curtos "como vén sendo habitual nos últimos anos", o que fai que en numerosas ocasións coincidan cun fin de semana.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.