Por E.P. | SANTIAGO DE COMPOSTELA | 30/06/2023 | Actualizada ás 16:49
Galicia espera rexistrar máis de medio millón de desprazamentos por estrada durante este fin de semana, o primeiro da 'Operación Verán' deste ano. Ás 15,00 horas deste venres deu inicio o considerado como primeiro fin de semana das vacacións de verán, que moverán en Galicia case 11 millóns de desprazamentos, o 15% de toda España.
Trátase dun 2,5% máis que o ano pasado, un incremento superior ao que se espera no conxunto estatal, segundo as cifras facilitadas este venres pola Delegación do Goberno. O titular da oficina de representación do Executivo central en Galicia, Pedro Blanco, supervisou na mañá deste venres o operativo especial que se coordina desde a oficina da Dirección Xeral de Tráfico.
Alí, acompañado polo xeneral da zona 15 da Garda Civil, Luís Francisco Martínez, e cargos da DGT, Blanco informou das principais cifras que se esperan nas estradas galegas durante esta tempada estival.
Ao longo destes dous meses levarán a cabo catro operacións especiais e campañas de control de velocidade e de detección de alcol e drogas ao volante. A primeira, centrada en control de velocidade, terá lugar entre o 10 e o 16 xullo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.