Por Europa Press / Redacción | OURENSE | 12/07/2023 | Actualizada ás 10:01
A Garda Civil tomou declaracion en calidade de investigados a dous veciños da Rúa, de 19 e 22 anos, en relación co apuñalamento nun brazo a un home ocorrido o pasado 5 de xullo neste municipio.
En concreto, son investigados como presunto autor e coautor dun delito de lesións por ferida con arma branca, respectivamente. O caso lévao o Xulgado Número 2 do Barco de Valdeorras. Un home de 37 anos de idade e veciño de Friol resultou ferido na madrugada do 5 de xullo ao recibir unha puñalada cunha arma branca na Rúa.
O 112 Galicia informaba de que pasadas as 00,00 horas recibiu varias chamadas nas que se avisaba de que o home pedía axuda na vía pública tras sufrir unha agresión na Rúa da Silveira. Ademais, os alertantes sinalaron que se lle estaba practicando un torniquete co obxectivo de deter a hemorraxia. A vítima foi trasladada ao Complexo Hospitalario Universitario de Ourense (CHUO).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.