A Real Filharmonía de Galicia seleccionará en decembro un director asistente para o 2024

A Real Filharmonía de Galicia abriu un proceso de selección para a contratación dun director ou directora asistente para o ano 2024, polo que os interesados poderán inscribirse ata o 17 de setembro a través da plataforma Muvac.

Tal como informou a orquestra, o proceso de selección celebrarase entre o 4 e o 7 de decembro de forma presencial no Auditorio de Galicia de Santiago de Compostela. "Ofrécese unha experiencia formativa en todos os aspectos prácticos do mundo musical profesional (dirección, programación, formación, relación con outras institucións artísticas...). A persoa seleccionada gozará dunha oportunidade para profundar e impulsar a súa carreira como directora profesional, baixo a mentoría do director artístico e titular, Baldur Brönnimann", engadiu a organización.

A Real Filharmonía de Galicia pon en escena a ópera 'Orfeo e Eurídice' de Gluck, co coro actuando vía vídeo.. REAL FILHARMONÍA DE GALICIA