Incautan 30 quilos de ameixa e denuncian a catro persoas nun operativo contra o furtivismo en Ferrol
Esta actuación enmárcase nos labores de inspección da costa que permitiron localizar a estes supostos responsables, que se enfrontan a sancións por infracción á lei galega de pesca.
Por E.P. | Ferrol | 17/08/2023 | Actualizada ás 15:27
A Policía Autonómica de Santiago, xunto con axentes de Gardacostas de Galicia, comisaron o pasado xoves, día 10 de agosto, 30 quilos de ameixas nun operativo contra o furtivismo na zona do Couto, en Ferrol, no que foron identificadas e denunciadas catro persoas.
Segundo informa a Xunta, esta actuación enmárcase nos labores de inspección da costa que permitiron localizar a estes supostos responsables, que se enfrontan a sancións por infracción á lei galega de pesca.
A Xunta destaca o "esforzo" realizado pola Policía Autonómica no ámbito da loita contra o furtivismo, tanto na actividade extractiva como na súa venda e distribución sen as debidas garantías sanitarias, en colaboración coa Consellería do Mar.
