O teu fillo non quere comer saudable? Aquí tes 8 chaves que facilitarán esta labor

Xeados, batidos de chocolate, lambuchadas e comida rápida compoñen o menú máis común dos rapaces na época do verán. Pero coa volta á rutina é preciso que esta mala alimentación quede no verán e optar por unha saudable e variada que lles dea, aos máis pequenos, a enerxía suficiente para esta volta á realidade.

Neste contexto, só o 11,7% dos nenos almorza correctamente antes de ir ao colexio, segundo un barómetro de ColaCao sobre hábitos de almorzo infantil. Así mesmo, non adoitan consumir as cinco racións recomendadas de froitas e verduras ao día, de acordo coa Enquisa Nacional de Alimentación na Poboación Infantil e Adolescente, o que pode desenvolver problemas como a obesidade, a diabetes ou complicacións cardiovasculares. 

"Unha alimentación equilibrada e nutritiva é esencial para o crecemento, desenvolvemento, rendemento académico e benestar físico e mental dos nenos. Fomentar hábitos alimenticios saudables desde as idades máis novas contribúe a unha vida activa e sá e axuda a reducir o risco de desenvolver enfermidades crónicas nun futuro", asegura Ainhoa Fernández, responsable editorial de Campus. 

Para lograr isto, os expertos de CEMP e CAMPUS facilitan unhas pautas crave. En primerio lugar, temos que ser modelos a seguir para os máis pequenos, se eles non ven que ti non comes dunha maneira axeitada tenderán a imitar o teu comportamento e non aceptarán opcións saudables.

Introducir gradualmente novos alimentos é outra das estratexias infalibles. Recoméndase que as primeiras dietas non sexan todo verde, combinar unha peza de peixe cunhas patacas, por exemplo, pode axudarlles a comelo antes que se é peixe só. Tamén é importante facer que a comida sexa divertida, é dicir que haxa cor, que sexan platos divertidos e creativos. Unha boa opción é a sopa de letras, por exemplo, xa que comela faiselles entretido porque poden buscar palabras mentres comen.

Podemos tamén involucrar aos nenos na cociña, deixar que che axuden a preparar comidas, xa que cando participan na preparación, é máis probable que se sintan emocionados por probar o que cociñaron eles mesmos. Ademais podemos tamén darlles opcións saudables, se teñen a capacidade de elexir non se sentiran obrigados e será máis doado que non poñan peros. E nesta liña debemos facer xusto o contrario coas opcións pouco saudables e limitar as opcións de comelos reducindo a súa presencia en casa, por exemplo.

Outro básico é que as comidas que fagamos sexan o máis ricas posibles, é dicir, dentro do saudable buscar o máis saboroso e atractivo para os nenos. Finalmente, recoméndase paciencia e persistencia, e sobretodo non tirar a toalla xa que pode ser un proceso lento e tedioso pero merecerá a pena.

"Ademais de proporcionar ás nenos dietas saudables, é moi importante planificar uns horarios regulares para as comidas e as merendas xa que isto pode axudar a que os máis pequenos desenvolvan hábitos alimenticios máis sans", indican dende CEMP.

Por todo isto, é moi importante preparar unha comida adecuada para os nenos xa que os alimentos saudables proporcionan os nutrientes necesarios para fortalecer o seu sistema inmunolóxico. Froita fresca, paus vexetais, rolos de xamón e queixo, pan integral con aguacate, tortilla de avea, iogur con granola, galletas integrais e barritas de cereais caseiras son algunhas das opcións crave para unha boa merenda ou almorzo.