Entra borracho nun cuartel para recriminar unha acción previa dos axentes e acaba detido
O home de 49 anos entrou no acuartelamento de Castro Caldelas.
Por Europa Press / Redacción | SANTIAGO DE COMPOSTELA | 25/08/2023 | Actualizada ás 10:41
A Garda Civil de Castro Caldelas detivo ás 22,30 horas deste xoves a un veciño da localidade de 49 anos de idade como presunto autor dos delitos de atentado a axentes da autoridade, desobediencia grave e danos.
A detención produciuse despois de irromper o home no acuartelamento, "con evidentes síntomas de acharse baixo a influencia de bebidas alcohólicas", cando os axentes iniciaban o seu servizo de seguridade cidadá.
O detido ameazou e recriminaba unha acción anterior dos axentes, explica a Garda Civil. Tras ser advertido das posibles consecuencias penais e no momento de abandonar o acuartelamento, dirixiuse cara aos axentes, motivo polo que foi reducido e detido, despois de causar danos en portas e escritorio. O caso foi derivado ao xulgado de Pobra de Trives.
