Un ourensán rouba matrículas para usalas no seu coche e irse sen pagar de gasolineiras
O arresto deste home de 43 anos ao que se lle imputan un delito continuado de furto e outro de falsificación de documento público e estafa tivo lugar o mércores.
Por Europa Press / Redacción | OURENSE | 31/08/2023 | Actualizada ás 10:18
Un veciño de Ourense foi detido como presunto autor de varios furtos de martículas de coches que usaba máis tarde no seu propio vehículo para ir encher en gasolineiras das que se ía sen pagar.
Segundo informou este xoves a Garda Civil, o arresto deste home de 43 anos ao que se lle imputan un delito continuado de furto e outro de falsificación de documento público e estafa tivo lugar o mércores.
O detido roubaba placas de matrículas de coches situados en aparcadoiros, entre eles, un parking na cidade e outro no complexo deportivo de Monterrei.
Empregaba estas matrículas para substituílas polas do seu vehículo e, polo menos en dúas ocasións, dirixirse a estacións de servizo das que se marchaba sen abonar o importe do combustible.
