O PP galego traslada a Galicia a estratexia de Feijóo de condena de EH Bildu

O PP galego pretende de novo que o Parlamento de Galicia pronúnciese en relación co panorama político vasco e, en concreto, quere que a Cámara exprese "rexeitamento" ante o que considera "provocacións" de EH Bildu a vítimas de ETA.

Coincidindo co inicio do período de sesións, o grupo popular no Parlamento galego rexistrou unha iniciativa coa que expón que a Cámara galega mostre o seu "rexeitamento" á inclusión en listas electorais de "condenados por delitos de sangue e pertenza a organización terrorista con sentenza firme".

Neste sentido busca o rexeitamento da Cámara autonómica a "as provocacións da coalición EH Bildu ás vítimas do terrorismo coa inclusión de condenados por delitos de sangue cometidos durante a súa militancia activa na organización terrorista ETA".

Así mesmo, quere que haxa unha "condena de forma rotunda" ao que entende "blanqueamento" destas actuacións, que, a xuízo dos populares galegos, "supoñen unha contradición cos principios democráticos ao incluír en listas electorais a condenados por terrorismo que non mostraron un arrepentimento explícito polo seu pasado terrorista". Iso, incide a iniciativa, "tería que supoñer un claro impedimento para o desempeño de calquera cargo público".

Rubén Cela (dereita), do BNG, no acto político de EH Bildu celebrado en Pamplona polo Aberri Eguna | Fonte: Rubén Cela en Twitter.