Rafael Cuíña: “En Lalín carreta o PP, tamén en época de meu pai”

O candidato de CxG en Lalín está convencido de que moita xente que votou PP vai votar a súa lista e tamén de que o pobo que gobernou o seu pai tamén pode cambiar de rexedor e de partido político. “Estou convencido que en Lalín vai alborexar”, advirte nesta entrevista.

Por Xurxo Salgado | Lalín | 11/05/2015 | Actualizada ás 08:00

Rafael Cuíña aspira a ocupar o posto que hai 25 anos deixou o seu pai, ex número dous do PPdeG nos anos noventa e candidato a eterno sucesor de Manuel Fraga. Preséntase, precisamente, orgulloso da marca Cuíña, a mesma que levou o seu proxenitor, que foi eterno sucesor de Manuel Fraga e que acabou defenestrado polo sector do birrete que encabezaba o propio Alberto Núñez Feijóo.

O líder de CxG en Lalín ten comentado que non esquece que o seu pai foi apartado do poder polos "señoritos e paracaidistas", que afondan no "españolismo" do PP e puxeron fin é época galeguista instaurada polo seu pai.

Esta situación, segundo o seu propio fillo, provocou no ex golfiño de Fraga un fondo pesar que foi somatizado ata tal punto de "deteriorar a súa saúde e provocarlle a morte". E nestes feitos tiveron que ver moitos "traidores", algúns deles, o presidente da Deputación de Pontevedra, que para Rafa Cuíña "é un mediocre político absolutamente irrelevante".

Rafa Cuíña non está no PP. Agora está en Compromiso por Galicia e preséntase en Lalín disposto a recuperar o que lle roubaron ao seu pai. “É certo que Xosé Cuiña é unha das persoas que máis marcaron Lalín na súa Historia”, lembra e critica ás “mente mediocres” que temen perder “as cadeiras do poder”.

É a primeira vez que das o gran paso. O de presentarte a unhas eleccións. Como o levas?

Lévoo ben. Moito traballo, visitas a todas as parroquias dende hai tempo. Traballo constante, sólido e solvente. Non creo nos políticos que so traballan en campaña e o resto do mandato miran por riba do ombreiro aos veciños, como se fosen servos.

E non tes un pouco de desacougo?. Digo por iso de que Lalín foi o feudo de Xosé Cuíña, o teu pai?

Desacougo en absoluto. É certo que Xosé Cuiña é unha das persoas que máis marcaron Lalín na súa Historia, pero tamén traballadores, empresarios e artistas. Lalín é o resultado dun conxunto de cousas que o PP non soubo xestionar cando chegaron as vacas fracas.

E iso de presentarte por un partido que non é o do PP, non abre feridas?

Abre feridas nas mentes mediocres, nos que non saben separar o persoal do político, e os que ven perigo de que lles movan da cadeira do poder, a modo de atalaia por riba do ben e do mal.

Dígoo porque en Lalín falar dos Cuíña sempre se asociou ao Partido Popular. Cres que vas ter votos de xente que antes lle votou ao teu pai?

Sen dúbida moita xente que votou PP e outros partidos vai votar á alternativa que representa Compromiso por Lalín. Non teño dúbidas diso.

Xa levas algún tempo percorrendo o concello. Que ves cando falas coa xente?

Efectivamente levo tempo percorrendo un Concello que Xa coñecía ben. É evidente que a crise bateu forte na industria e o abandono do rural asusta, porque eu nunca o vin tan mal. A xente protesta por oso, mais a evidencia preocupante é que o fan nun ton o suficientemente baixo por temor a ser escoitados polos comisarios políticos de sempre.

E cres que o 24M vai a mudar de cor política o Concello de Lalín?

Eu vou a estar onde decidan os lalinenses traballando coa mesma ilusión onde eles me poñan. E máximo dúas lexislaturas. Tense que acabar a política como profesión.

As enquisas apuntan a unha maioría consolidada de Crespo, polo menos, a dalgúns medios. Que opinas ti?

En todo caso, se non ha posibilidade de cambio, entendo entón que continuarás en Lalín facendo oposición, non?

As enquisas o que din é que un 40% de persoas que hai 4 anos votaron PP, agora dubidan do seu voto... velaí a posibilidade de cambio. Iso so o pode conseguir en Lalín Compromiso.

Ti te presentas por CxG. Como ves a este partido nestes comicios?.Pregúntocho porque nas autonómicas os resultados foron moi pobres, menos do que agardabades

Compromiso por Galicia naceu co reto de que as municipais fosen o seu primeiro grande test. Creo que ser a 4ª forza que máis candidaturas presenta é sintomático de que a implantación está sendo moi importante. Virán tempos mellores para nós con toda seguridade.

E falando de CxG, tamén hai quen di que non é un partido nacionalista, precisamente porque din que nel están xente coma ti que provén do PP ou outros candidatos que veñen do PSOE. Por iso falan dun partido de centro-dereita. Ti como o definirías?

A militancia de compromiso votou un documento político no que di que é un partido galeguista, socialdemócrata e progresista. Eu concordo coa definición. Co resto de comentarios non perdo o tempo.

Hai nada houbo un cristo montado en Ourense en Común,precisamente, polas acusacións

de carretaxe. CxG carreta?

Os compañeiros de Ourense saben de sobra a miña opinión. Alí temos un grupo de xente solvente para presentar unha excelente lista como finalmente se fixo. Da carretaxe non teño datos, do pouco serio que é "Ourense Común", non tiña dúbidas. O tempo deume por desgraza a razón.

E en Lalín quen vai carretar?

En Lalín carreta o PP, tamén en época de meu pai. É así.

Faime unha quiniela para os comicios?

Non son de quinielas, mais estou convencido que en Lalín vai alborexar.

Noticias relacionadas

13 francisco

Ademais de falar tod o mundo en castelán nos anos corenta os paisanos dedicáronse (por imposición do goberno masónico, claro) a carrexar terra en tractores para erguer eso que hoxe os intelectuais de "relumbrón" (Pemán) identifican como castros. En vez de traballar, que os galegos todos son uns vagos perdidos. Enfín, que seguimos crendo milagres e dicindo paridas á rapañota. En resume, que hai que ir pensando en emigrar de novo a Bilbao e Barcelona (os perdedores da guerra civil)para copar os mellores postos de traballo. Espérannos cos brazos abertos, coma nos anos cincoenta.

12 Unha de Lalín

Rafa Cuiña na enquisa de Sondaxe foi o único da oposición que aproba, e o mellor valorado. Bo sinal para as eleccións.

11 Juan1275

No creo que esta persona consiga lo que no consiguió su padre en su última etapa política. No nos olvidemos que al señor Crespo quien lo puso en ese sillón fue precisamente su padre . Hasta los que hablan en castellano, idioma oficial en Galicia y en el que yo me expreso, lo cual no debería ser problema a la hora de dar mi opinión en ningún tipo de foro, tenemos opinión. Me refiero a que parece que solamente pueden opinar en este tipo de foros los autodenominados gallegos de pura cepa. Bien, pues yo opino que cuantas mas candidaturas haya mejor, teniendo en cuenta que en la mayoría de las ocasiones en las elecciones municipales se vota mas por cercanía y por interés que por otra cosa. Digo esto teniendo en cuenta que a la hora de favorecerte siempre interesa estar al lado del poder. Si no obsérvese en las personas contratadas por el concello de Lalín cuantas personas están o han estado relacionas amistosamente o familiarmente con el ente político en el poder

1 UnCalquera

Idioma oficial a base de punta de pistola, coacción e discriminación e incrimación ao longo de boa parte da súa historia, pero si. Pola ley que impera no actual sistema é oficial, que lle imos facer. Xente que se aprobeita das inxustizas hainas en todo o mundo, e con moito tipo de inxustizas. Outra cousa sería se eu fose a algún estado onde a mulleres estan para darlle paus, e eu, como é oficial, tamén o fixera... Alá a conciencia de cada un, se é que a ten. Aparte diso, podes expresarte no que queiras, se te entenden perfecto e senón o problema é teu. Non o entedas mal, benvido por escribir, xa ves que os que falamos en galego ( algúns ) non odiamos aos que falen en castelan. Detestamos aqueles que fan o posible para poñernos impedimentos para poder expresarnos na nosa língua na nosa terra e na terra da mes. Un saudo.

2 Susa

"Idioma oficial a base de punta de pistola, coacción e discriminación e incrimación ao longo de boa parte da súa historia" Falarás do galego,non? Porque a mi los caciques fascistas de la Xunta me responden en gallego, aunque les escriba en castellano, al igual que los caciques fascistas del Concello, o los comisarios fascistas del colegio de mi hijo que le intentan lavar el cerebro con sus historias de los séculos oscuros, cuando no hay nada más siniestro que ellos. Unos son del PP, otros del PSOE y otros de la CIG-BNG, totalitarios todos. Pero lo cierto es que cuando le dan a escoger a los gallegos, la inmensa mayoría compramos prensa en castellano, te guste o no.

3 UnCalquera

Entón, que carallo fas ti lendo este medio de prensa ? Porque é de jratis ???. Claro, a todas a cheas que apuntan as preas. Ao resto do comentario nin che respondo, de onde non hai non se pode quitar...

4 Arraiano

Prensa en castelán porque é a que hai, porque sobrevive chupando subvencións, que á prensa en galego non llas dan. Somos moitos os galegofalantes ós que, aínda que falemos en galego, nos responden en castelán os "caciques fascistas" na Xunta (sí, na Xunta), nas deputacións, nos concellos, nos ministerios, nos centros comerciais, nos restaurantes... E non veñas choromicando con esas alucinacións de "lavado de cerebro na escola": os meus pais levaban unha HOSTIA na cara e un castigo contra a parede cada vez que soltaban unha palabra en galego na escola, aínda que fose no recreo ou na saída de clase. Non sei que lles pasa ós bífidos, que teñen esa manía de pensar que ós seus fillos non lles colle na cabeza outra lingua có castelán, e que teñen menos capacidade de resistir "lavados de cerebro" que os demais nenos. Se cadra o problema é dos pais.

5 Francisco

Gostaría foi o primeiro alcalde constitucional de lalín?. Cando eu vivía nunha aldea cercana a Lalín nos anosn corenta do século XX todo o mundo alí falaba en castelán, incluídos vellos e rapaces. Soamento o facían en galego o cura (na misa) e a maestra. A xente fala agora galego porque está de moda (ademais de por imposición). Non é coña, que falo moi en serio. Nada menos que mo contaron en Madrí.

10 Bonmatuit

Encántanme os culebróns que se montan nos comentarios cada vez que o tal Cuíña dá unha entrevista, non é a primeira vez. E como un servidor é un pouco lercho...

9 galegoexiliado

Non sei moi ben quén será ese Cuiña, mais debe ser alguén de cartos pa ter tantos amigos e defensores. Eso é o bo de vivir nun país como Expaña donde os herdeiros do franquismo seguen a disfrutar do botín de guerra, e mercando votos e vontades.