CESM propón implantar plans de educación para a saúde ante o incremento da demanda sanitaria

A Confederación Estatal de Sindicatos Médicos en Galicia (CESM) propuxo, na constitución da nova Mesa Sectorial de Sanidade, que se estude a posibilidade de implantar plans de educación para a saúde "ante o notable incremento da demandasanitaria, que está a provocar o absoluto desbordamento dos servizos", sinala.

Nun comunicado, o secretario xeral de CESM Galicia, Enrique Marra-López, que acudiu á reunión da Mesa Sectorial, considera que "en moitas ocasións, a demanda sanitaria non se corresponde con necesidades reais de saúde".

"Ante esta situación, é imprescindible unha educación para que tanto a poboación faga un uso adecuado dos recursos sanitarios á súa disposición como para que os profesionais contribuamos a esa sensibilización e orientación dos pacientes en busca dunha optimización do sistema sanitario que redunde en beneficio demédico e usuario", engade.

Da reunión da Mesa Sectorial, sinala que o conselleiro de Sanidade, Julio García Comesaña, "anunciou que se centrará no documento Estratexia 2030, pendente de alegacións; no reto de atraer médicos a Galicia e na próxima creación da especialidade de Urxencias e Emerxencias a nivel nacional", cita, entre outros aspectos do contido da reunión.

Acceso ao centro de saúde Federico Tapia da Coruña / CESM GALICIA. / Europa Press