Evacúan en helicóptero un home despois dunha caída en Calvos de Randín

Un home foi evacuado en helicóptero tras sufrir unha caída no lugar de Fidalgos, no municipio ourensán de Calvos de Randín.

Segundo informou o 112, ás 14,45 horas recibiu o aviso de Urxencias Sanitarias que lle informou da mobilización do helicóptero medicalizado con base en Ourense.

Así, os xestores de emerxencias informaron á Garda Civil, aos membros do GES de Muíños, que se desprazaron ao lugar, e á Agrupación de Voluntarios de Protección Civil de Calvos de Randín.

Helicóptero medicalizado atendendo a unha persoa nunha praia | Fonte: 061