Inspección de Traballo pide a Xeal coñecer o seu plan de igualdade por "incumprimento" nos prazos

A CIG denunciou a existencia de requirimentos de Inspección de Traballo a Xeal por "incumprimentos" en materia de igualdade, informa.

"Se a pasada semana levantaba acta de infracción por non trasladar información á representación social", este luns, engade, "chegou unha nova comunicación do organismo laboral requiríndolle á empresa por incumprimentos en materia de igualdade".

En concreto, explica o sindicato, Inspección demanda á empresa que facilite "antes do 5 de outubro, á comisión negociadora do plan de igualdade o rexistro laboral e a auditoría retributiva".

"Incluída a valoración de postos de traballo, imprescindible para poder elaborar os outros documentos", sinala o sindicato que sostén que a empresa "xa está fóra dos prazos legais para ter aprobado un novo plan de igualdade".

Concentración dos traballadores de Xeal nunha xornada de folga | Fonte: CIG - Arquivo