Sabes que tempo fará este festivo en Galicia?

A calor "anómala" deste mes de outubro aínda se manterá este xoves, Día da Hispanidade, e o venres chegará un sistema frontal por Galicia co que comezarán a normalizarse as temperaturas e co que chegarán precipitacións, aínda que a fin de semana as temperaturas seguirán aínda cálidas en boa parte do país, segundo a Axencia Estatal de Meteoroloxía (AEMET).

O portavoz do AEMET, Rubén del Campo, sinalou que o sistema frontal chegará por Galicia con aire máis fresco e, despois do seu paso, comezarán a descender os termómetros o venres polo noroeste e o sábado na maior parte do territorio. "Estamos con temperaturas tan altas que aínda o sábado será un día cálido para a época do ano en amplas zonas do norte e do leste da Península", destacou.

De novo o domingo volverán caer os termómetros de modo que ese día as temperaturas situaranse nas propias para mediados de outubro na metade norte, aínda que seguirán aínda cálidas no terzos leste e sur peninsular. Con este sistema frontal tamén chegarán choivas, primeiro a Galicia o venres e despois noutras zonas do noroeste peninsular e o domingo novas baixas presións atlánticas xeneralizarán as precipitacións, especialmente en amplas zonas da Península e especialmente na metade occidental.

Estas choivas, segundo o portavoz poderán seguir o luns. As máis abundantes produciranse en principio en Galicia e non se espera que chova ou o fará de maneira máis débil no sueste da península durante a fin de semana, así que podería facelo o luns. En xeral os ceos estarán nubrados e isto, xunto coa chegade de aire atlántico, máis fresco, provocará que as temperaturas diúrnas baixen claramente na maior parte do país.

En concreto, precisa que o sábado os termómetros baixarán uns 6 a 8 graos centígrados respecto ao día anterior no Cantábrico aínda que as nubes provocarán que as temperaturas nocturnas suban na metade sur e na área mediterránea. Será o domingo cando se achegue unha área de baixas presións atlánticas deixarán choivas na Península, sobre todo no noroeste e en especial en Galicia aínda que posteriormente iranse estendendo de oeste a leste, aínda que serán máis débiles canto máis cara ao leste.

O domingo as temperaturas serán xa normais no interior da metade norte, valores propios da época, xa que se producirá por alí unha nova baixada de ata 6 ou 8 graos. En concreto, o mercurio situarase entre 15 e 20ºC durante as horas centrais do día na metade norte. O luns poderían subir outra vez os termómetros polo norte, pero baixarán no sur.

"Parece que a próxima semana continuaremos con temperaturas algo máis altas do normal, pero desde logo, e en principio, nada semellante á anómala situación que levamos máis de 10 días rexistrando", comenta Del Campo. Dese modo, prognostica que as temperaturas seguirán algo por encima do normal, pero non tanto como nestas semanas e, ve "posible" que cheguen novas borrascas ao longo da semana, con máis choivas, sobre todo na metade occidental.