Xan Bello será o novo responsable local do BNG en Santiago
Substitúe no cargo a Xesús Domínguez que se incorpora como concelleiro.
Por E.P. | SANTIAGO DE COMPOSTELA | 18/10/2023 | Actualizada ás 19:44
Xan Bello, que coordinou a campaña electoral que levou a Goretti Sanmartín á Alcaldía da capital galega, foi elixido como novo responsable do BNG en Santiago de Compostela. Dálle a substitución, así, a Xesús Domínguez, que vén de integrarse como concelleira no equipo do goberno local.
Na asemblea local do BNG, os integrantes da asemblea destacaron o labor de Xan Bello como coordinador da última campaña electoral, por "a súa capacidade organizativa e traxectoria en diversas asociacións sociais e culturais".
Xan Bello é empregado público na Xunta e veciño do barrio da Almáciga. Nesta nova etapa, aposta por reforzar a súa base social, a implicación na mellora dos barrios, a calidade dos servizos públicos e a vinculación do tecido asociativo.
Para facilitar a coordinación da estrutura da organización local do BNG co goberno municipal, acordouse que se integren tamén os edís Pilar Lueiro, Iago Lestegás e Manuel César, ademais de formar parte do Consello local desde o proceso enmarcardo da XVII Asemblea Nacional do BNG en 2021.
O Consello local de Santiago está integrado por Xan Belo (responsable local), Margatira Otero González (vicerresponsable local), Anxo Álvarez Amado, Lois Calvelo Rozas, Iria Carreira Pazos, Manuel César Vila, Júlio Conde López, Manuel Dacal Vázquez, Xesús Domínguez Domínguez, Concha de la Fuente Vázquez, Marta Domínguez Domínguez, Mercedes Espiño Amil, Alexandre Garrido López, Iago Lestegás Tizón, Sandra López Curral, Míriam Louzao Fernández, Pilar Lueiro García, Xosé Manuel Marcote Baña, Iria Méndez da Pena, Adrián Picón Igrexas, Navia Rivas de Castro, Goretti Sanmartín Rei e Rosa Valcárcel Vázquez.
A asemblea local tamén agradeceu a especial dedicación de Xesús Domínguez, nunha etapa marcada pola cohesión organizativa do equipo de traballo, a mellora dos resultados nos últimos procesos electorais e a activa participación en actos, mobilizacións e vinculación con asociacionismo por parte da militancia.
