Unha colisión entre tres vehículos deixa dous feridos na A-52, en San Cibrao das Viñas
Unha vez no lugar do accidente, os servizos de Emerxencias confirmaron que había tres coches implicados e dúas persoas feridas, que foron trasladadas ao CHUO.
Por E.P. | SANTIAGO DE COMPOSTELA | 20/10/2023 | Actualizada ás 15:13
Dúas persoas resultaron feridas e tiveron que ser trasladadas ao Complexo Hospitalario Universitario de Ourense, tras unha colisión rexistrada en San Cibrao das Viñas, na que estiveron implicados tres vehículos.
Segundo informou o CIAE 112 Galicia, o sinistro tivo lugar pouco antes das 9,00 horas, e foi un particular o que alertou a Emerxencias de que se produciu un accidente no quilómetro 224 da A-55, á altura deste municipio ourensán.
Segundo relatou a testemuña, dous coches chocaran entre si e logo acabaron chocando contra outro vehículo que se atopaba detido na autovía.
Desde o 112 Galicia informouse a Urxencias Sanitarias-061, á Garda Civil de Tráfico, Protección Civil de Barbadás e aos operarios do servizo de conservación da A-52. Unha vez no lugar do accidente, os servizos de Emerxencias confirmaron que había tres coches implicados e dúas persoas feridas, que foron trasladadas ao CHUO.
