Riós celebra a súa XXVIII Festa da castaña e do cogomelo

A conselleira de Promoción do Emprego e Igualdade, Elena Rivo, visitou este domingo a festa celebrada no Concello de Riós con motivo da XXVIII Festa da castaña e do cogomelo, declarada de interese turístico galego. Durante o seu percorrido polos postos, Rivo puido coñecer produtos típicos da comarca de Verín, como castañas frescas e en conserva, cogomelos, artesanías e outros froitos propios do outono. A Xunta apoia a identificación, vixilancia e xestión activa dos castiñeiros tradicionais e a impulsar a calidade da castaña, un recurso natural de gran relevancia e potencial para o sector agroalimentario galego.

A conselleira de Promoción do Emprego e Igualdade, Elena Rivo, na festa da castaña e o cogomelo | Fonte: XUNTA