"O convento de Santa Clara non pode ser un almacén de restos arqueolóxicos", di a Deputación de Pontevedra
Por Europa Press / Redacción | PONTEVEDRA | 07/11/2023 | Actualizada ás 20:51
O vicepresidente da Deputación de Pontevedra, Rafa Domínguez, reuniuse co equipo directivo do Museo de Pontevedra para avanzar o novo proxecto para o convento de Santa Clara, no que se descarta que vaia a ser "un simple almacén de restos arqueolóxicos".
Así, buscarase "salvagardar" os seus xardíns centenarios e abrilos á sociedade tras "400 anos pechados", nun recinto que será "parte fundamental do Museo". "Está claro que é necesario modificar algúns aspectos do proxecto que non se corresponden coa idea que entendemos que debe representar Santa Clara para o Museo", sostén Domínguez.
"O convento non pode ser un simple almacén de restos arqueolóxicos, non é o idóneo, hai outros lugares que poden servir para ese propósito", incide o vicepresidente provincial.
