O Goberno central sinala como válida e oficial a toponimia en Galicia e por tanto é a que se debe usar

O Goberno lembrou que a única forma considerada válida e oficial dos topónimos en Galicia é a galega e que, por tanto, é a que debe ser empregada.

Así o recolle a resposta facilitada polo Executivo á pregunta escrita feita polo deputado do BNG no Congreso Nestor Rego sobre a deturpación do topónimo da illa da Toxa que realiza a organización do 'Foro La Toja. Vínculo Atlántico', que se celebra no enclave do Grove.

Lembra que a Constitución española recoñece as linguas do Estado como "un patrimonio cultural que será obxecto de especial respecto e protección" e que, no caso de Galicia, o galego está recoñecido como oficial polo seu Estatuto de Autonomía.

"Todo iso implica unha serie de dereitos lingüísticos en favor da cidadanía, coa súa correspondente obrigación xurídica de face aos poderes públicos. A toponimia aparece contemplada en varios Estatutos de Autonomía e defínena como unha materia de competencia exclusiva de cada comunidade autónoma", sinala o Goberno.

Neste sentido, incide en que, no caso de Galicia, o artigo 10 da Lei de normalización lingüística do ano 1983 establece que os topónimos "terán como única forma oficial a galega" polo que sentencia que é esa "a única denominación oficial válida, e por tanto, a que debe ser empregada".

Así as cousas, recoñece que a Administración estatal debe ter en conta os topónimos oficiais aprobadas polas comunidades en exercicio do seu ámbito competencial.

Ao mesmo tempo, responde ao BNG que non pode cuantificar o custo do dispositivo de seguridade despregado na Toxa con motivo da celebración do devandito foro que, segundo o Ministerio de Presidencia, non recibe axudas ou subvencións por parte do Estado.

Foro A Toja, na illa da Toxa | Fonte: Europa Press