Cae a oferta de vivenda en venda nas catro provincias galegas no terceiro trimestre do ano
Por E.P. | SANTIAGO DE COMPOSTELA | 23/11/2023 | Actualizada ás 11:33
A oferta de vivenda en venda diminuíu nas catro provincias galegas no terceiro trimestre do ano, en consonancia coa situación a nivel estatal, cunha caída do 4 por cento.
Así o recolle un informe do portal inmobiliario idealista que precisa que na provincia da Coruña cae un 16%, na de Lugo, un 14%, en Ourense un 4% e en Pontevedra, un 6 por cento.
O mesmo ocorre nas capitais de provincia. Así, na cidade da Coruña faino un 11 por cento e na de Lugo, un 10 por cento. No caso de Ourense, é dun 7 por cento e na de Pontevedra, un 3 por cento.
En total, 42 capitais teñen menos vivendas no mercado que hai un ano. E é que maioría de capitais de provincia españolas teñen agora menos oferta en venda en relación a 2022, aínda que son nove nas que a dispoñible aumentou como o caso de Bilbao e Sevilla.
