Temas: INCENDIO POIO BOMBEIROS

Un incendio nunha zapataría de Poio sáldase sen feridos

O 112 comunicou que ardeu un deshumificador e unhas caixas de zapatos gardadas nun almacén.

Por E.P. | SANTIAGO DE COMPOSTELA | 02/12/2023 | Actualizada ás 20:05

Un incendio nunha zapatería, que estaba pechada ao público, situada na Avenida da Andurique, na localidade pontevedresa de Poio saldouse sen feridos.

Segundo informou a Policía Local, sobre as 15,00 horas recibiron a alerta e ata o lugar desprazáronse os Bombeiros do Salnés, o GES de Sanxenxo e Protección Civil.

O 112, consultado por Europa Press, indicou que ardeu un deshumidificador e unhas caixas de zapatos que estaban gardadas no almacén.

Sobre as 16,30 horas o incendio quedou extinguido e durante a realización dos traballos o tráfico estivo parcialmente cortado en ambos os sentidos da circulación.

Temas: INCENDIO POIO BOMBEIROS