O proxecto 'Planct-On' leva 49 toneladas de residuos recollidas en 36 limpezas de espazos naturais

O proxecto 'Planct-On' levado a cabo durante tres anos por Afundación, a obra social de Abanca, leva recollidas case 49 toneladas de residuos en total en 36 limpezas de espazos naturais. Son cifras que se puxeron encima da mesa nunha reunión que mantivo o conselleiro do Mar da Xunta, Alfonso Villares, con responsables de Afundación.

Este plan de conservación territorial ten o obxectivo de fomentar a sustentabilidade das actividades socioeconómicas realizadas no mar, ao reducir a cantidade de residuos nas costas. Villares valorou esta iniciativa e animou aos seus promotores a continuar con ela, xa que --reivindicou-- vai na mesma liña das políticas da súa Consellería.

O conselleiro do Mar, Alfonso Villares, reúnese con responsables do plan de conservación do territorio Planct-On, de Afundación./ XUNTA / Europa Press