Galicia pide á ministra de Sanidade un pleno específico para tratar a falta de especialistas en Atención Primaria

O Consello Interterritorial do Sistema Nacional de Saúde de España (Cisns) reuniuse este xoves e Galicia solicitou á ministra de Sanidade, Mónica García, un pleno específico, co conxunto de responsables dos sistemas sanitarios autonómicos, para tratar o problema común de falta de médicos especialistas en Medicina Familiar e Comunitaria e Pediatría en Atención Primaria.

Segundo informou a Xunta, o conselleiro de Sanidade, Julio García Comesaña, felicitou á nova ministra polo seu nomeamento e pediu expresamente a convocatoria urxente dun pleno do Cisns de carácter monográfico para abordar o problema.

Por outra banda, Comesaña lembrou que o Ministerio de Sanidade "aínda ten pendente" de desenvolver o acordo do ano 2018, sobre a actualización dos criterios das unidades docentes de formación.

O conselleiro de Sanidade, Julio García Comesaña, xunto ao presidente da Xunta,Alfonso Rueda, | Fonte: DAVID CABEZON @ XUNTA