Por Europa Press / Redacción | SANTIAGO DE COMPOSTELA | 11/12/2023 | Actualizada ás 12:03
A Consellería de Medio Ambiente resolveu conceder axudas por máis de 16.500 euros a un total de sete beneficiarios, titulares de explotacións agronaderas e propietarios de colmeas, para paliar os danos do oso pardo.
O Diario Oficial de Galicia (DOG) publica este luns a resolución destas axudas que cobren os danos ocasionados polo oso pardo ao sector agrogandeiro entre o 1 de outubro de 2022 e o 30 de setembro de 2023.
A orde, que estaba dotada inicialmente cunha partida global de 60.000 euros en apoios, recolle pagos compensatorios por danos en colmeas, enxames, producións de mel e cera, entre outros.
Así mesmo, recolle a posibilidade de sufragar os gastos veterinarios das reses que resulten feridas e, de ser necesario no caso de sufrimento grave e irreparable, tamén cobre os gastos de eutanasia acreditados e realizados de forma regulada por un profesional. Igualmente, son subvencionables os abortos que sufran as reses, como consecuencia do acto de depredación e tras a correspondente acreditación veterinaria.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.