O Gozo Festival 2024 vende nun día 25.000 entradas para o concerto do 6 de xullo, con Ed Sheeran e Bomba Estéreo
Por E.P. | SANTIAGO DE COMPOSTELA | 15/12/2023 | Actualizada ás 11:46
A organización de O Gozo Festival 2024 confirmou este vienres que, no seu primeiro día de venda de entradas, distribuíu xa 25.000 billetes para presenciar o concerto do próximo 6 de xullo, que contará co artista Ed Sheeran e o grupo colombiano Bomba Estéreo, entre outras actuacións pendentes de ser confirmadas.
As entradas para o evento, que se celebrará no Monte do Gozo de Santiago de Compostela, puxéronse á venda este xoves a prezos que oscilaban entre 84 e 328,50 euros (as máis caras, en paquetes VIP), e rexistráronse 25.000 vendas. De feito, na web da promotora Live Nation xa figuran como esgotados os billetes de 'pista xeral' (as zonas máis baratas e con tickets limitados).
O concerto do 6 de xullo suporá a primeira visita de Ed Sheeran a Galicia, e é a única data do artista en España, xunto co concerto de Tenerife, do 29 de xuño de 2024.
