Santiago acolle ata o vindeiro domingo a segunda parada da feira do libro que percorrerá 13 concellos galegos
Hai 17 expositores e realizaranse máis de 100 actividades.
Por Europa Press / Redacción | SANTIAGO DE COMPOSTELA | 27/04/2024 | Actualizada ás 18:45
O conselleiro de Cultura, Lingua e Xuventude, José López Campos, inaugurou este domingo en Santiago a segunda parada da feira do libro que percorrerá 13 concellos galegos. Desta forma, o conselleiro anunciou que, ata o vindeiro domingo 5 de maio, a alameda compostelá vaise a consolidar como "un reclamo moi atractivo" cara ao libro e a lectura.
Neste espazo aberto localizaranse 17 expositores e realizarán máis de 100 actividades, entre presentacións de libros, firmas e accións dinamizadoras da lectura. López Campos incidiu na "enorme satisfacción" que lle supón que os primeiros actos como conselleiro de Cultura, Lingua e Xuventude estean vinculados con estas citas coa lectura por toda a comunidade.
Así, subliñou que o libro serve de "vía de expansión" para a identidade e a cultura. "Probablemente sexa o primeiro referente do que somos, do que creamos, do que pensamos e do que sentimos", remarcou.
