O cantante Jared Leto líaa en redes e publica o cartel do Son do Camiño, o cal aínda non se sabía
Pet Shop Boys, Myke Towers ou J Balvin, entre outros, uniríanse a Green Day e a Thirty Seconds to Mars
Por Europa Press / Redacción | SANTIAGO DE COMPOSTELA | 16/12/2023 | Actualizada ás 18:50
O cantante da banda estadounidense Thirty Seconds to Mars, Jared Leto, publicou na súa conta de Instagram o cartel do festival O Son do Camiño, que estaba previsto que se presentase o vindeiro martes de maneira oficial.
Así, no cartel que desvelou este venres Leto, aparecen nomes como Myke Towers, Pet Shop Boys, J Balvin, Melendi, La Oreja de Van Gogh ou Rels B, que se suman a Green Day e a Thirty Seconds to Mars.
Ademais, inclúe grupos como Love of Lesbian, Arde Bogotá, Natos e Waor, Ana Mena, The Interrumpters, Fernandocosta e Delaossa, así como artistas galegos como Baiuca, Berto ou Monoulious DOP.
O festival, que se celebrará os días 30 e 31 de maio e 1 de xuño no Monte do Gozo, xa esgotou os seus primeiros 30.000 abonos tras as confirmacións da banda de Jared Leto e de Green Day.
A organización confirmou que en total haberá 48 artistas, repartidos por primeira vez en tres grandes escenarios (un deles especializado na música electrónica) durante o tres días de celebración.
