O 2024 chega cun pequeno tremor de terra

O 2024 arrincou na localidade lucense de Triacastela cun tremor de terra de magnitude 3,5, segundo recolle o Instituto Xeográfico Nacional.

En concreto, o tremor produciuse sobre as 1,23 horas da madrugada a 20 quilómetros de profundidade e o seu epicentro estivo nunha área entre Triacastela e Seoane do Courel.

Pouco despois, pasadas as 3,00 horas da madrugada, o municipio ourensán de Baños de Molgas tamén rexistraba un pequeno tremor, neste caso de 1,8 graos de intensidade.

Tremor de terra en Triacastela | Fonte: INSTITUTO XEOGRÁFICO NACIONAL