Por Europa Press / Redacción | SANTIAGO DE COMPOSTELA | 13/01/2024 | Actualizada ás 18:56
A conselleira de Economía, Industria e Innovación, María Jesús Lorenzana, destacou este sábado que o 20 % dos produtos acreditados coa marca Galicia Calidade pertencen ao sector vitivinícola, con 22 adegas e máis de 170 viños das cinco denominacións de orixe galegas acreditadas con este selo.
Lorenzana puxo en valor estas cifras nunha visita que realizou ás instalacións da empresa Terra de Asorei, unha agrupación de seis adegas familiares con 60 hectáreas de viñedos propios no Val do Salnés que comercializa os seus albariños en máis dunha vintena de países. Tal e como trasladou a Consellería, Lorenzana fixo referencia aos datos positivos que conseguen as empresas do sector que levan este selo de garantía.
Así, sinalou que rexistraron un incremento da facturación entre 2019 e 2022 do 5,4 %. Tamén, un constante crecemento no mercado exterior, cunha subida do 23 % das exportacións desde 2020, así como un bo comportamento a nivel de emprego que, no período 2021-2022 incrementouse un 7,9 por cento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.