Un incendio queima case por completo o salón dunha vivenda en Moraña

Un incendio queimou case por completo o salón dunha vivenda en Moraña e deixou ao inquilino afectado polo fume. Segundo informa o 112 Galicia, o inquilino abandonou a vivenda por unha xanela coa axuda dos veciños nada máis decatarse da fumareda acumulada. Aínda que saíu ileso, o mozo, desprazouse ao centro médico da localidade tras verse afectado o fume.

Sobre as 15,15 horas deste xoves, foi un particular o que avisou do suceso ao 112 Galicia. Indicaba que vía saír fume negro do interior dun piso, situado en cálea Seis, en Saiáns, no municipio de Moraña. Un segundo alertador comunicaba aos xestores de emerxencias que había lume na cociña dunha vivenda. Con estes datos, o 112 Galicia pasou aviso aos Bombeiros de Ribadumia, que se desprazaron ao momento.

Tamén foron informados os membros do GES da Estrada, a Garda Civil, a Policía Local e os efectivos de Protección Civil de Moraña, de Cuntis e de Portas. Os Bombeiros de Ribadumia indicaron que axudasen a sufocar as chamas, posto que, cando chegaron, os efectivos da Agrupación de Voluntarios de Protección Civil de Cuntis xa as habían practicamente extinguido. Procederon coa ventilación do inmoble e deron por finalizada a súa intervención.

Os membros da Agrupación de Voluntarios de Protección Civil de Cuntis confirmaron que ardera case por completo o salón da vivenda, incluída a televisión, mobles, un sofá e as persianas. Ademais, o resto do piso tamén se viu afectado o fume.

Incendio 112 Galicia. 112