Temas: REDES SOCIAIS PRENSA NAVARRA RADIO CANTABRIA GALICIA TELEVISIóN ESTUDO CIS BALEARES ASTURIAS CANARIAS

Galicia, onde os xornais impresos e dixitais teñen aínda moito peso

O 68,1% dos galegos infórmase a través da televisión, pero un 66,1% prefiren o tradicional xornal en papel ou os novos medios dixitais.

Por Galicia Confidencial | A Coruña | 04/02/2024 | Actualizada ás 10:00

Galicia segue sendo unha illa no mapa comunicativo do Estado español. E é que aquí, a prensa (imprensa e dixital) segue tendo unha importancia e unha credibilidade que non ten no resto de España. O 66,1% dos galegos e galegas prefire este medio para informarse e non só iso, senón que a maioría confía no que din, a pesar de que boa parte deles están dopados con gran cantidade de axudas públicas.

Con todo, é a televisión o medio máis importante no país. O 68,1% dos galegos utiliza este medio para informarse sobre temas de actualidade, cun nivel de confianza de 1,8 sobre 4. O segundo medio de comunicación máis utilizado para recibir información sobre temas de actualidade en Galicia é a prensa, cun nivel de confianza de 2,2 sobre 4. Séguenlle a radio (43,2% de uso e 2,3 sobre 4 de confianza) e as redes sociais (41,6% e 1,1 sobre 4 de confianza).

As comunidades que máis reciben información de actualidade a través da televisión son Cantabria, cun 72,7% dos adultos, e Estremadura, cun 72,3%. As que menos son Baleares, cun 65,2% de adultos, e Asturias, cun 64,5%.

Asturias (67%) e Galicia (66,1%) son as que máis se informan a través da prensa (impresa e dixital). As que menos son Castela-A Mancha (49,6%) e Andalucía (51,6%). Pola contra, a radio é máis utilizada na Rioxa (52,6%) e Castela e León (49,5%), e menos en Canarias (40,4%) e Baleares (40%).

Andalucía (45,7%), Estremadura (45,3%) e Castela-A Mancha (45,3%) son as comunidades que máis se informan a través das redes sociais, e Aragón (39%) e Navarra (39,4%) as que menos. Os datos pertencen a unha análise independente da axencia apablo.com con datos do Estudo sobre audiencias de medios de comunicación social do CIS, cuxa mostra en Galicia é de 1.725 enquisados/as.

COÑECEMENTO SOBRE A ACTUALIDADE

Os galegos constrúen o seu coñecemento da actualidade a través de toda a información que reciben por estes medios. A media de valoración deste coñecemento sobre a actualidade en Galicia é de 2,6 sobre 4.

Os madrileños (2,9 sobre 4) e os aragoneses (2,8) son os que máis cren coñecer mellor a actualidade. Os galegos, rioxanos, canarios e baleares, cun 2,6 sobre 4, os que menos.

Temas: REDES SOCIAIS PRENSA NAVARRA RADIO CANTABRIA GALICIA TELEVISIóN ESTUDO CIS BALEARES ASTURIAS CANARIAS

2 Ferroviario

Lamentamos disentir, pero eso de dicir que as porcentaxes non revelan " absolutamente nada" sobre a realidade informativa, é simplemente falso. ¿ E logo que o que revela " realmente" a realidade informativa ? O das cookies é eiquí e na China.

1 Gamela

Na China debe ser normal controlar a vida dos súbditos do Partido Único ! Aquí ata antesdonte podías Rexistar Cookies e podías ler "parte do xornal" (sen pagar) // Agora que tanto falan das fakes news nas Redes resulta que é xusto cando se produce o APAGÓN INFORMATIVO (?) As porcentaxes non revelan NADA. A realidade informativa debera estar coa Verdade (veracidade) e non coa Propaganda ! As porcentaxes o único que revelan é o exito da propaganda pagada polo Réxime !

2 Ferroviario

O comentario de Gamela non explica as diferencias de porcentaxes duns lugares a outros.Parece que se parte duns apriorismos e de ahí non saimos. Pase o que pase na realidade, as ideas non cambian. Antes eso chamábase dogmatismo.

3 Gamela

Os que cren que a ideas cambian igual que o vento que as leva, chámanse Relativistas ! E sen dúbida son os que nunca na vida explican nada de nada, as cousas son como son porque hoxe son así, e mañá deus dirá... Certo que para algúns é o mellor sistema para que todo encaixe ao seu gusto... Pero fiabilidade pouca ou ningunha... De feito neste asunto eu prefiro seguir lendo GC e non El País (por moitos muros de pago que poñan non deixa de ser un libelo ou a páxina dominical do PSOE ) Para ler panfletos non é preciso nin pagar nin vender cookies a terceiros !

1 Gamela

Lamento ver estudos en que todo o reducen as porcentaxes % que non revela absolutamente nada sobre a realidade informativa (un millón de moscas... 90% comen merda!) Primeiro foron os Muros de Pago que obrigaron á xente a pagar dúas veces pola Información Subvencionada (La Vanguardia ~ El Pais) Agora xa descobriron como extorsionar ao lector: ou aceptas cookies para vender os teus datos de navegación á terceiros -velaí como entenden algúns a protección de datos- ou pagas suscrición ao xornal subvencionado (La Voz de Galicia ~ Faro de Vigo) E tantos e tantos medios dixitais que transitan polo camiño de quedarse sen lectores grazas á extorsión publicitaria coa que pensan sobrevivir en tempos difíciles...

1 Gamela

Os que RESISTEN son cada vez menos e sobre todo son cada vez máis cativos (non poden sairse da pauta programada, non vaia ser que os seareiros os excomulguen por publicar cousas políticamente comprometidas...) En fin, cada día é máis difícil, por non dicir IMPOSIBLE acceder á unha Información Libre e onde a liberdade de expresión sexa respectada (mesmo soportada con estoicismo) e cada día as MENTIRAS en PORCENTAXES % son máis comúns e enchen centos de páxinas de xornais subvencionados polo Poder de Turno....

2 Gamela

Bastaría revisar a televisión de Abel Caballero (TeleVigo) para comprobar como un medio afín pode transformar a REALIDADE e sustituir ás Institucións Políticas con máis éxito que calquera Campaña Electoral... Aos que áinda non o fagan recomédolles encarecidamente seguir apostando por GALICIA CONFIDENCIAL o único xornal que RESISTE contra vento e maré e respecta aos seus lectores sen pedirlle nada a cambio... Por Moitos Anos e grazas por apostar pola Liberdade de Prensa en Galicia ! É de ben nacidos, ser agradecidos: https://www.galiciaconfidencial.com...