Ferida unha muller tras chocar a moto na que circulaba contra un vehículo en Lalín

Unha muller que viaxaba de acompañante nunha moto resultou ferida este domingo tras chocar contra un turismo no municipio pontevedrés de Lalín.

Segundo informou o 112 Galicia, os feitos producíronse pouco despois do mediodía. Foi o condutor da moto quen chamou ao 112 para solicitar asistencia para a súa compañeira, que se atopaba ferida tras a colisión contra un turismo.

En concreto, o accidente rexistrouse na rotonda que enlaza a estrada N-640 coa PO-206, en Lalín. Ata alí desprazouse un equipo de Urxencias Sanitarias de Galicia-061 a bordo do helicóptero medicalizado con base en Santiago, así como unha ambulancia.

O helicóptero medicalizado con base en Santiago de Compostela intervén nun accidente en Lalín | Fonte: @HELICOSANTIAGO