Por Galicia Confidencial | OURENSE | 12/02/2024 | Actualizada ás 14:30
Poucas cousas hai máis galegas que o noso querido Entroido. Estes son uns días do ano nos que a nosa tradición sae ás rúas co orgullo por bandeira e amósanos que a nosa cultura non se vai perder mentres haxa xente que a viva tan intensamente como é o caso dos veciños da zona do Courel.
Este Entroido, na aldea de Teixeira do Courel (Folgoso do Courel) reuníronse para facer unha sesión de repentismo: esa forma de poesía popular oral que consiste en improvisar versos cantados, toda unha delicia da nosa terra.
Estes veciños están verdadeiramente comprometidos con recuperar o Entroido tradicional no Courel, polo que fixeron un proceso de investigación sobre o repentismo, recuperaron letras de cantigas populares do Courel, bailes e a tradición do Entroido, entre moitas outras cuestións. O brindo (unha das manifestacións do repentismo galego) tamén forma parte desta recuperación e hai xente que está indo polas aldeas, cantando, bailando, facendo música e tamén incorporando o brindo.
No vídeo que vos amosamos a continuación, no que aparecen varios veciños da Teixeira 'brindando', atópanse, entre moitos outros, Tegra, de Hórreos, unha brindeira moi nova que ten colaborado co proxecto regueifesta (a rapaza que está máis preto da cámara); e Pepe, de Teixeira, un brindador histórico que este ano non brindou ao estar de loito polo seu fillo.
Estes veciños de Teixeira conseguiron o que había anos non se facía: brindar nunha celebración, con naturalidade, o cal é de grande importancia para acompañar a festa e cumprir unha función social: cohesionar á comunidade. Ademais, hai que resaltar que a aldea de Teixeira está preto da de Louzarela (Pedrafita do Cebreiro), de onde era o último brindador histórico de Galicia que morreu hai catro anos, Antonio Ribeira, ou Antonio de Louzarela.
Ver esta publicación en Instagram
¿Gústache esta noticia?Problemas cos comentarios?
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.
¿Gústache esta noticia?
- Convocado o novo programa de coproducións do Centro Coreográfico Galego
- A exposición do pintor José María Barreiro despídese da Cidade da Cultura tras recibir a máis de 20.000 visitantes
- Santiago acolle ata o vindeiro domingo a segunda parada da feira do libro que percorrerá 13 concellos galegos
- Anxo Angueira reivindica o "fondo" político e feminista de Rosalía no seu discurso de ingreso na RAG
- A cantante chilena Mon Laferte pecha o cartel de O Gozo Festival
- Como o 25 de Avril impactou en Galicia e cambiou a vida do militar Xosé Fortes e da xornalista Margarita Ledo