Achan no mar o corpo sen vida dunha muller en Neda

O corpo sen vida dunha muller foi localizado no mar entre o Puntal de Neda e a ponte das Pías, no municipio coruñés de Neda. Segundo informou o 112, o aviso recibiuno ao fío das 10.20 horas deste sábado e o corpo foi recuperado, mediante o uso de motos acuáticas, polos efectivos de Bombeiros de Ferrol. Ademais, no operativo participaron Salvamento Marítimo, os voluntarios de Protección Civil da localidade e a Garda Civil, que investiga o suceso.

Salvamento Marítimo | Fonte: SALVAMENTO MARÍTIMO - Arquivo