Arco Iris celebra a aprobación do Plan Especial de Pedra do Sal, en Baldaio, que inclúe parte das súas alegacións

A organización ecoloxista Arco Iris destacou a inclusión de cinco das súas alegacións no Plan Especial de Pedra do Sal. Faino tras notificar o Concello de Carballo a aprobación do citado plan, "que pon fin a décadas de caos urbanístico e especulación nesta zona vulnerable dun espazo natural único e cuxa protección parece agora asegurada".

En concreto, Arco Iris conseguiu introducir cinco alegacións, a práctica totalidade das propostas pola experta Cristina García Fontán, da Universidade da Coruña (UDC).

Do mesmo xeito, afirma "que achegou unha serie de argumentos técnicos para garantir a mellora do documento inicial", explica nun comunicado.

Praia de Baldaio | Fonte: Turismo.gal