Desarticulado un dos puntos negros do narcotráfico en Ourense
Tras a detención de dúas persoas.
Por Europa Press / Redacción | OURENSE | 04/04/2024 | Actualizada ás 14:45
Axentes da Policía Nacional detiveron a dúas persoas en Ourense, investigadas por un suposto delito de tráfico de estupefacientes. Destacan que coa detención dos presuntos autores queda desarticulado un dos puntos negros de abastecemento e distribución desta sustancia na capital ourensá.
Segundo explican nun comunicado, ambos adquirían a droga en Marrocos e viaxaban de regreso a España, onde utilizaban un turismo para facer chegar a mercadoría ata Ourense. Alí, outros colaboradores encargábanse da distribución. Aos detidos interviñéronselles 41 landras de haxix, diñeiro en efectivo, así como sustancia líquida cuxa composición química aínda está pendente de determinar, e o vehículo no cal realizaban o traslado dun punto a outro. Pasaron a disposición xudicial no Xulgado de Instrución número 3 de Ourense.
